----【今日小繪圖 86】----
一定唔買原價的c9 vs 一定唔貼特價的店員
超市黃昏貼特價，店員彷彿𥄫到你想要邊一盒，貼足兩個櫃都未貼到自己想要果盒，當你兜咗五十個圈後都未貼，唯有死死地氣去結賑 !!! (利申：我都係會等貼減價的人~~~)
----【今日小繪圖 87】----
有沒有人記得讀爆石系的Sam哥？ 開始記得吳鎮宇是卡拉屋企的角色，以後一定會記得讀「爆哥系」家有囍事內嘅角色。然後最爆的是爛聲的𡃁呻，到無間道2裡的智慧型古惑仔。都算係幾百變的演員! 所以可以話今時今日的Sam哥是由無數個演出得到經驗而鍊成的! 唉～ 畫完又想無限loop睇番《家有囍事》添!
----【今日小繪圖 88】----
司機先生應該俾人走過好多次數，所以遇到啲唔叫唔入錢唔嘟咭的阿姐，會以每秒十下的速度按佢個錢箱制，於是伴隨住「鏘鏘鏘」聲，阿姐會起勢摷勁耐散子。是但一個讓一步就好~ 一係司機先生開住車等，一係就阿姐成個B We 散子包掉落去啦，成車等緊啊!!!
我深深相信小朋友都有做體操選手的潛質，由其每次在地鐵比阿𡃁仔爭啲成腳飛踢過來，但永遠唔會踢中你～ 不過今時今日大部分𡃁仔dress code都同我果年代一樣，總係多過一種卡通人物在身上，最大分別係一定陀住個八達通套喺心口，再加對Croc屎膠鞋~ 型曬~!
----【今日小繪圖 89】----
----【今日小繪圖 90】----
大家會不會和我一樣，人越忙就越想做瑣碎事？例如明明考試要溫書，就會突然想執書檯執房，明明要趕起工作，又想上FB、 睇報紙，甚至是煲劇、煲綜藝節目。如果一日只做一件事，應該會專心和用心多呢~~~ (((唉呀呀~~~ 我可以全天候攤抖地煲劇嗎???)))
《今日小繪圖》重溫
No comments:
Post a Comment
Hello~ Please leave your message :)
Note: only a member of this blog may post a comment.