迪士尼黑色世界 2013 (上) ♥ 又要驚又要玩

(((小彤漫畫提要：自從上次去迷離莊園玩已經和米老鼠成為朋友)))

這是我第一次參觀香港迪士尼黑色世界，因為以前曾經有前科玩鬼屋玩到哭，所以都爭扎過兩秒究竟去不去試玩黑色世界。幸好，的起心肝和力士大人走進黑色世界，我們玩得相當興奮和刺激。園裡每一個角落包括商店、鬼屋、工作人員、卡通人物都有細緻濃厚的Halloween 氣氛。特別喜歡「夜光鬼魅巡遊」，非常喜歡巨大的Jack Jack。

• 博客體驗入場門票由香港迪士尼樂園提供

| 我最怕的鬼... 鬼... 鬼... 鬼... 鬼屋 (口吃......) |

入了園區，襯未天黑就走到兩大鬼屋嚇餐飽。「詭墳學院」走的是學校路線，入面滿佈惡死嚇人圖書館嬸嬸，恐佈班房 design等。雖然黑媽媽，都見到道具環境做得細緻，同埋以為大人細路啱玩，點知嘩鬼一出嚟都係會驚叫~ 幸好感覺上他們雖然恐佈，但未至於會拉住你唔比你走。不過我一路玩一路希望快D完，因為真係好驚!  今年主題是「好玩‧唔好叫」，我其實係驚到叫唔出（真係好細膽）...... 如果力士大人唔陪我，我一定唔會入去......

(((( 其實我無時無刻都想出番嚟，但又好想欣賞下啲場景，真係Set得好靚好認真～))))

另一間鬼屋是「黑色馬戲班」 

| 去怪獸大學學畫畫 |

一進入樂園就看到相當搶眼的怪獸大學，和電影場景幾乎一樣呢!!!

室內外都擺滿了電影中的角色，可以去同佢哋合照，不會像之前Times Square般迫人啊~

早幾個月已經開幕的怪獸大學，大家除了可以去做獨一無二的怪獸大學學生證外，今次仲可以同專在 Halloween期間出現的嚇人版毛毛影相 XD （見過開幕時的照片，毛毛係無嚇人的啊喲～～～） 之前在 Times Square果時已經好羨慕其他人和毛毛影相㗎啦～～～

影完毛毛就可以走到隔離的動畫藝術教室學畫 Halloween主題的卡通，可以學 Jack Jack, Zero 同吸血版 Mickey, 到時大家在門口看看 Schedule先揀學邊隻啦。老師都教得幾簡易仔細，大家都好易學上手呢~ 學畫期間，我點都要畫個 Halloween版的李安納熊係隔離贈慶一下 :) 

| 萬聖節主題的小鎮商店 |

美國小鎮大街、商店的角落都已經換上 Halloween主題了，也有各式各樣的萬聖節主題精品、糖果在出售。在大街上可以問職員借氣球影相呢~~~~~ 氣球也是Halloween Mickey主題呢!!


其實最吸引人的精品都是怪誕城之夜的啊，Jack Jack小錢包(右下） 一款前後兩個黑白表情，超可愛的!

最喜歡 Jack Jack的精品 XDDDD 點都要同 Jack Jack合照一番呢~~~~

（噢... 超喜歡新相機都散景 ＞//////＜)

| 荒涼的中庭部分 |

Disney 城堡都變得陰森。

原來中庭部分悄悄變裝了，出現怪物和墓地，不過咁卡通，大家仍然開開心心拍照啊~

↑ 影得佢幾有型～ 哈哈哈~

....... 自從買了新相機之後，覺得漂亮相片太多了，

所以將這一篇一分為二，下篇有 Jack Jack 花車巡遊分享啊~~~

延伸閱讀： 

【黑色世界2013  Jack Jack 花車巡遊】

【迪士尼迷離莊園介紹】

【實用資料】

黑色世界於 2013年10月4至31日（逄四至日) 舉行，

持港幣450元日間門票的賓客，可玩足日與夜，

夜間門票 港幣299元 ，可由6pm後玩。

星期四夜間通行証 港幣300元 

門票詳情請到Official Site瀏覽 - http://park.hongkongdisneyland.com/

來 Facebook 支持一下吧 :)