【越唔想似阿爸阿媽，長大後反而一步一步變成他們】
約莫七八歲的時候，老豆話：「如果你想知道你中年個樣，你睇下你阿媽；如果你想知道你八十歲個樣，就睇下你阿婆。」仲記得老豆竊笑的樣子！當時雖然細個，但心諗：「唔係呀嘛！我唔要似阿媽囉！」😑
其實畫過好幾次，因為阿媽細個管教甚嚴，所以對她始終有一種反叛的情緒。通常越抗拒的事，就越常會像魔咒般發生 (Murphy's Law?!!)，總係不知不覺間發現同阿媽的共通點。近年發現阿媽鍾意剪低雜誌上見到靚的畫，如海鷗、和尚仔、蓮花等，然後把他們拼貼到掛牆的畫上，E~ 呢啲咁似大學學設計時學的Montage畫…… 雖然極力否認自己似阿媽，但不禁會想自己些少對藝術的天分會唔會就係遺傳自阿媽。
有人覺得阿爸臭脾氣，但係自己其實又好硬頸；有人覺得阿媽好煩，但自己大咗又係成日鵝住自己男朋友或者老公或者仔女 (XDDD)；甚至在電影《海街日記》裡面綾瀨遙因為阿爸包二奶走佬，好憎不負責任的阿爸，長大咗之後又偏偏做人第三者...... 人生總係開自己玩笑
【李安納熊Line貼圖上架】
傳送門 ➜
No comments:
Post a Comment
Hello~ Please leave your message :)
Note: only a member of this blog may post a comment.